اک خشت اگر کنگرہ ایوان پہ رکھنا
انگشت وزیر اور سر سلطان پہ رکھنا
بس جوہر و شمشیر کی یکجائی سے بڑھ کر
کیا اور گماں اس سر و سلطان پہ رکھنا
سیلاب رم آشوب کو مہمیز کروں گا
دیوار و در و بام کو ایمان پہ رکھنا
اک پھول کو اس شاخ تمنا سے اٹھا کر نے
نے طاق نہ محراب نہ میزان پہ رکھنا
اک خانہ زنجیر کو ویران نہ کرنا
تعمیر بہت عالم امکان پہ رکھنا
کچھ سیر سر کوچہ و بازار میں نہیں عشق
آئینہ دل آتش حیران پہ رکھنا
افضال احمد سید