غزل
وہی جذبہ ‘ وہی نعرہ ہمارا
وہی منزل ‘ وہی رستہ ہمارا
کبھی مرکز تھا یہ لالہ رخوں کا
یہ گلشن تھا ‘ کبھی مہکا ہمارا
اسی کی ذات تھی مِصرِ محبت
اسی کا نام تھا طغرا ہمارا
یہ مَدفَن ہے شبابِ آرزو کا
یہ گھر ‘ یہ بے نشاں قصبہ ہمارا
اُسے ہوتی اگر ہم سے محبت
اچھا لگتا اُسے بُرا ‘ ہمارا
کیا جو درد کو مہمان دل کا
سخن میں نام پھر نکلا ہمارا
بَنا ‘ وحشت سراۓ دشتِ ہجراں
“یہ دل ‘ یہ بے نشاں کمرہ ہمارا”
کبھی آنکھوں میں کوئی آ کے ‘ طارق !
چُرا لے جائے گا سُفنہ ہمارا
طارق محمود طارق
جی سی یونی ورسٹی لاہور